लातूर (पोअका) : पोस्टे शिवाजी नगर, लातूर गुरनं. ४६८/२०२५ क. १३७(२),६४,६५,६९, ३५१(२) बोएनएस सह कलम ४, ६, ८, १२ पोस्को सह कलम 3(1) (W) (i) (ii), 3(2) (Va) अ.जा.ज.अ.प्र.का १९८९ प्रमाणे बीएनएस प्रमाणे गुन्हयाचा तपास श्री. समीरसिंह साळवे, उपविभागीय पोलीस अधिकारी, लातूर शहर हे करीत आहेत. नमुद गुन्हयातील अल्पवयीन पिडीतेवर मुख्य आरोपीस जागा उपलब्ध करून देणाऱ्या दोन कॅफे चालकांना कलम १७ पोक्सो प्रमाणे वाढ करून यापुर्वीच अटक केली आहे.
गुन्हयातील अटक आरोपी कॅफे डेलीग्रिन्डचा चालक अनिकेत अजय कोटुळे यास कॅफे दुकान गाळयाचे मालक संजय रामकृष्ण लड्डा यांनी कॅफे चालविण्याकरीता त्यांचा गाळा दरमहा ८,५००/- रू प्रमाणे भाडयाने दिला. कॅफे चालकाने सदर कॅफेमध्ये किचनचे बाजुस एक वेगळी रूम मध्ये स्वतंत्र बसण्याकरीता कंपार्टमेंट करून जास्तीचे पैसे घेवून बसण्याकरीता बेकायदेशीर कंपार्टमेंट तयार केले आहे. सदर कंपार्टमेंट बाबत कैफे दुकाण गाळा मालक संजय लड्डा यांना माहिती असताना त्यांनी जाणून बुजुन त्याकडे दुर्लक्ष करून कॅफे चालकास जास्तीचे पैसे घेवून कॅफेमध्ये येणाऱ्या अल्पवयीन मुला-मुलीना कंपार्टमेंटमध्ये स्वतंत्र जागा उपलब्ध करून देण्यास मदत केली. तसेच सदरची माहीती पोलीसांना किंवा संबंधीत प्राधिकरणाला दिली नाही. तसेच सदर माहीती लपविली आहे म्हणुन सदर गुन्हयात संजय रामकृष्ण लड्डा यांचेविरूध्द पोक्सो २०१२ चे कलम २१ प्रमाणे कलमवाढ करून त्यांना आरोपी करण्यात आलेले आहे. गुन्हयाचा अधिक तपास सुरू आहे.
मा.श्री. अमोल तांबे, पोलीस अधिक्षक, लातूर व श्री. मंगेश चव्हाण, अपर पोलीस अधिक्षक, लातूर यांचे मार्गदर्शनाखाली श्री. समीरसिंह साळवे, उपविभागीय पोलीस अधिकारी, लातूर शहर व पोलीस अंमलदार महेश पारडे, गणेश मोरे, पांडुरंग सगरे, अरविंद बाघमोडे, बालाजी कुटवाडे यांनी केली आहे.
लातूर जिल्हा पोलीस दलातर्फे आवाहन :- अल्पवयीन मुलींना फुस लावून पळवून नेवून त्यांचेवर लैंगीक अत्याचार करणाऱ्या आरोपींना गुन्हा करण्यासाठी मदत करणारे मित्र, नातेवाईक, तसेच लॉज, कॅफे, हॉटेल, कॉफीशॉप चालक व त्यांचे जागामालक यांचेबर पोक्सो कायद्यांतर्गत गुन्हे दाखल करून त्यांना देखील गुन्हयात सहआरोपी यांना अटक करण्यात येत आहे. तरी सर्व लॉज, कॅफे, हॉटेल, कॉफीशॉप चालक, मालक व त्यांचे जागामालक यांना आवाहन करण्यात येते की, आपण जर आरोपींना गुन्हा करण्यासाठी जागा उपलब्ध करून दिल्यास त्यांना कोणत्याही प्रकारची मदत केल्यास तसेच आपणास गुन्हयासंदर्भाने माहीती असून देखील त्याबाबत माहीती लपविल्यास आपणाविरूध्द देखील पोक्सो व तत्सम कायद्यांतर्गत कारवाई करून सदर गुन्हयात अटक करण्यात येईल.
