या महसूल पंधरवड्यानिमित्त माजलगाव सहदुय्यम निबंधक कार्यालयात मागील दहा दिवसांपासून स्वच्छता मोहीम राबवत परिसरातील अनावश्यक वाढलेले झाडे-झुडूपे,तण गवत कर्मचाऱ्यांच्या साहाय्याने काढून परिसर स्वच्छ केला आहे.तसेच कार्यालयातील भिंतींना रंगरंगोटी करून भिंतीवर शासनाच्या विविध योजनांचे व माहितीचे फलक लावण्यात आलेले आहेत.कार्यालयात येणाऱ्या नागरिकांना शासनाच्या या विविध योजनांची माहिती स्वतः सहदुय्यम निबंधक बालाजी दारेवार हे देत आहेत.तसेच संपूर्ण सहदुय्यम निबंधक कार्यालयात कृत्रिम फुलांची सजावट करून महसूल पंधरवडा उत्साहाने राबवण्यात येत आहे.दि.१ ऑगस्ट ते १५ ऑगस्ट या दरम्यान महसूल पंधरवाडा कार्यक्रमाचे योग्य नियोजन हे सहदुय्यम निबंधक कार्यालय माजलगाव येथे केले आहे.हा कार्यक्रम १५ ऑगस्टपर्यंत यशस्वी करण्यासाठी सह दुय्यमनिबंधक कार्यालयातील सह दुय्यम निबंधक बालाजी धारेवर यांच्यासह वरीष्ठ लिपिक सुरवसे, कनिष्ठ लिपिक विनोद मुनेश्वर व इतर कर्मचारी मेहनत घेत आहेत.
